Фатмир Битиќи, поранешен вицепремиер и еден од првите луѓе на СДСМ, бил мета на дрска кражба за време на велигденските празници. Крадците упаднале во неговиот дом во Бутел и го украле сефот во кој, според пријавата, имало пари и скапоцен накит. Но – накитот го нема во неговиот анкетен лист доставен до Антикорупциската комисија.
Додека Битиќи бил надвор од државата, крадците непречено влегле и оперирале во куќата од 343 квадрати, вредна над 280.000 евра. Прашањето што сега високо виси во воздухот: ако накитот не е пријавен, од каде е и колку вреди?
