ПочетнаВестиПандемијата го забрзува процесот на модернизација на образовниот систем

Пандемијата го забрзува процесот на модернизација на образовниот систем

Министерката за образование и наука Мила Царовска, денес имаше координативен онлајн состанок со над 200 директори од основни и средни училишта во државата. На состанокот се разговараше за сите актуелни прашања и за организираноста за стартот на учебната година во услови на пандемија.

Министерката во разговор со директорите истакна дека пандемијата го забрза процесот на дигитализација и воспоставувањето на онлајн платформата, но го забрзува и целиот процес на модернизација на образовниот систем. Царовска истакна дека за прв пат државата создава еден ваков сложен онлајн систем за исклучително краток рок и секако дека ќе има предизвици коишто заеднички ќе се надминуваат.

„Платформата ја правиме не само за да ја надминеме Ковид состојбата, туку и за да биде поддршка и понатаму во наставата. Предизвици ќе има, но најважно е сите да покажеме грижа кон учениците и да ја започнеме наставата на први октомври“, рече Царовска.

Редовната координација на министерката со директорите продолжува и во наредниот период, со цел да се надминуваат предизвиците и да се обезбеди непречена настава во време на пандемија.

Остави Коментар

Внеси го твојот коментар
Внеси го твоето име:

- Advertisment -spot_img

НАЈПОПУЛАРНИ