ПочетнаВестиВиз Ер Скопски маратон со повик за волонтери! Маратонот ќе се...

Виз Ер Скопски маратон со повик за волонтери! Маратонот ќе се одржи на 4-ти октомври

По двете успешни трки оваа година, HalkEco Хронометар и Авицена Женска трка, кои што се одржаа под целосна спортска дисциплина и каде што натпреварувачите во целост ги испочитуваа протоколите и мерките за заштита од Ковид-19, време е за највеселиот маратон кој што се одржува веќе 16 години во Македонија. Виз Ер Скопски маратон 2020 ќе се одржи на 4-ти октомври под специјални протоколи одобрени од Комисијата за заразни болести при Министерството за здравство.

Како и секоја година, организаторите на трката и оваа година имаат потреба од волонтери. Организаторите веруваат дека волонтерите имаат клучна улога во успешното организирање и реализирање на трките низ годините и без нив Виз Ер Скопски маратон нема да биде целосен.

маратон

Секој кој сака да се пријави како волонтер и со тоа да учествува во организирањето и спроведувањето на најпознатиот спортски настан во нашата држава, тоа може да го направи со пополнување на онлајн формулар кој што е поставен на официјалната страна на Виз Ер Скопски Маратон. Краен рок за пријавување на волонтерите е до 25 септември 2020 година, односно до пополнување на бројката која е потребна за волонтери.

Можност за учество имаат лицата кои се постари од 16 години и исполнуваат одредени услови, кои се наведени во самиот формулар. Секој волонтер кој што ќе учествува во реализирање на настанот ќе добие маица, вода, храна и сертификат за волонтирање на Виз Ер Скопски маратон 2020. Согласно, ситуацијата предизвикана од корона кризата, волонтерите кои ќе се пријават за учество на маратонот, мора задолжително да носат маска и да ги почитуваат сите протоколи.

Секој кој што сака да се пријави за волонтирање истото може да го направи со пополнување на формуларот на следниот линк :

http://skopskimaraton.com.mk/volonteri?

Организаторите на Виз Ер Скопски маратон ги повикуваат волонтерите да се пријават за да може уште еднаш да се докаже дека и во услови на пандемија може да се организира спортски настан по светски стандарди.

Остави Коментар

Внеси го твојот коментар
Внеси го твоето име:

- Advertisment -spot_img

НАЈПОПУЛАРНИ