Џејмс Ховелс, Британец кој во 2013 година случајно го фрлил хард дискот со биткоини вредни околу 184 милиони долари, сега наводно обезбедил средства за ископ на депонија на Њупорт за да го пронајде изгубениот диск.
-Донесовме експерт за вештачка интелигенција. Нивната технологија лесно може да се обучи за да го бара хард дискот, изјавил Ховелс за Би-Би-Си.
Ховелс, кој е ИТ експерт, тврди дека почнал да „копа“ биткоини во 2009 година кога првпат се појавиле. Купил 1.000 кога биткоинот бил проценет на околу 130 долари.
Биткоините кои се наоѓаат на хард дискот сега вредат речиси 150 милиони фунти, вели тој.
Кон средината на 2013 при чистење, хард дискот по грешка е фрлен и ставен во кантата за ѓубре на мојата локална депонија, по шѕо е закопан на лице место, изјавил тој во 2017 година.
Испратил неколку молби до градските власти, вклучително и понуда за поделба на парите, ако му се помогне во потрагата.
Локалните власти одбиле да му дадат дозвола за пребарување, а како причина била наведена заштитата на животната средина. Покрај тоа навеле дека проектот ќе чини милиони и нема нема гаранции оти дискот се уште е исправен.
Сега верува дека има финансиски средства за ефикасен и еколошки начин за ископ на локацијата. Наводно составил тим од осум експерти специјализирани во областа како што е управување со отпад, извлекување податоци, сортирање со помош на вештачка интелигенција.
Не постои гаранција дека хард дискот со биткоините се уште е во депонијата, а податоците на дискот можеби нема да бидат во состојба од која може да се повлечат.
