За да ги зголемат своите приходи, некои социјални мрежи и апликации за комуникација почнаа да експериментираат со воведување претплати, како што се Твитер и Телеграм. Твитер ја претстави услугата Blue, додека Телеграм неодамна потврди дека наскоро ќе лансира премиум претплата, но и во двата случаи пристапот до постоечките опции ќе остане бесплатен, но оние кои сакаат некои нови и дополнителни опции ќе мора да платат.
На листата на компании кои се свртуваат кон премиум опции и претплати, наскоро би можеле да додадеме уште една, особено популарна меѓу тинејџерите и младите – Снепчет. Оваа информација на новинарите неделава им ја потврди и самата компанија, а се чини дека и тие планираат да применат слични тактики како Твитер и Телеграм.
Затоа Снепчет би останал ист за сите корисници и бесплатно ќе ги користи сите опции што ги користат сега, но оние кои ќе побараат нешто повеќе од оваа мрежа, односно пристап до некои нови, ексклузивни и експериментални опции, ќе треба да платат претплата на Снепчет Плус. Снеп веќе извесно време ја тестира оваа услуга на интернет, а иако нема официјални информации за цената на претплатата, на Твитер се појавија неофицијални податоци според кои месечната сума на претплата ќе изнесува 4,59 евра месечно, односно 45,99 евра годишно.
