Науката во изминатите децении укажува на неколку здравствени придобивки од кафето. Во многу истражувања луѓето кои пијат кафе имале помал ризик од дијабетес тип 2, мозочен удар, болести на срцето, деменција и одредени видови рак.
Две нови истражувања од јули минатата година покажале дека луѓето кои пијат кафе имаат пониска стапка на смрт од која било причина, вклучувајќи рак, дијабетес и болести на бубрезите. Покрај тоа, оние кои пиеле 2-3 шолји кафе дневно имале помал ризик од смрт за разлика од оние кои пиеле само 1 шолја дневно. Кафето е всушност водечки извор на антиоксиданси во модерното општество. Сепак, овие истражувања треба да се толкуваат внимателно.
Според доктор Карла Клокејд, постои поголема веројатност здравите луѓе да одберат кафе или други кофеински пијалаци за разлика од помалку здравите. Со други зборови, истражувањето можеби одбирало луѓе кои имаат општо подобро здравје, па ова го отежнува одредувањето на влијанието на кафето.
Сепак, многу експерти тврдат дека врската помеѓу кафето и здравјето е научно возможна поради високото количество антиоксиданси. Иако и обичното и безкофеинско кафе имаат антиоксиданси, кафето со кофеин има и уште некои придобивки. Кофеинот има и неколку краткотрајни придобивки – ги зголемува концентрацијата, менталната енергија и вниманието. Ова сигурно им е познато на сите кои не можат да се расонат без шолја кафе.
Можете да уживате во утринската шолја кафе без грижа на совест. Сепак треба да имате на ум дека нема доволно докази кои би го охрабриле консумирањето кафе. Потребни се повеќе истражувања за да се утврди какво е навистина влијанието на кафето врз здравјето на човекот. За мнозинството луѓе, умереното консумирање е навика со мал ризик која можеби ќе се претвори во едно од поздравите нешта што ги прават.
